Okeanijə

Okeanijə — geoloži diəkardeonədə Avstralijə dynjo ən ğədimə kontinente. Kajnəzoj era tektonik hərəkət materiki ən kam təsiryš nišodoəše. Əve ki, čo materikonku čo ijo bylyndə bandə kəfšənon vote bəbe ki, nin. Ən bylyndə lanšəft cy kešvəri xəšəxuniədə buə Kostjuškə bande ki, cəj dyjo səvijjədə buə bylyndəti 2 200m-e. Materiki həvoə cəj vyrə buə čoğrafi guršəğonku aslije. Əv bitov tropik inən subtropik guršəğədə bino be gorə, bolə ruš inən dərjaconyš vote bəbe ni. Materiki xəšəxuni inən xərmyš beše bəpešt vovoš voe myğdor ve kame. Hyškə səhra həvo səčijjəvi okornijə Mionə rajonon “mardə zonə” hesob bedə.

Avstralijə faunən ve kosibe. Hələ mezozoj era devrədə nyso-xəšəxuni Asijədə čobuə bo materiki gušəninon xyjzon mənsub buə hejvonon xarakterin. Avropəvyžon ome bənav ijo kenguru, hyrs, mužnə bəhə, dələ, kostəbək, jexidna inən dingo tipədə vəhšiə hejvonon hestybin. Ijo kəšinə pərəndondə: Avstralijə gerbədə əksyš buə sijo rangə guguš inən čo ovə pərəndon, dəvəpərəndə rost omə bedə.